Unha vez recibidos os datos de accidentes laboráis facilitados polo ministerio de traballo no primeiro semestre de 2025, a conclusión que podemos sacar é clara, A SITUACIÓN EMPEORA.

Analizando os datos pode apreciarse un incremento en casi todos os rexistros con respecto ao primeiro semestre de 2024:

• Aumento dos accidentes totais en xornada (87 accidentes máis)
• Aumento dos accidentes mortais en xornada (de 7 a 12)
• Aumento dos accidentes mortais in itínere (de 0 a 4)
• Aumento total no número de accidentes (xornada + in itínere) en 57 accidentes.
• Aumento total de accidentes mortais (de 7 a 16)

Non podemos aceptar un incremento do 128% de accidentes mortais nun semestre, isto evidencia que a seguridade e saúde no traballo segue sendo unha materia pendente nas empresas, o cumprimento no é real, senón máis ben formal, para cubrir o expediente. E iso non é prevención. 

Compre que se actúe para garantir a protección da seguridade e da vida da clase traballadora. É intolerable o falecemento de 16 persoas traballadoras na provincia da Coruña nos primeiros 6 meses do ano.

É evidente que a Lei de Prevención de Riscos Laborais non conseguiu un dos seus principais obxectivos como é o de que a prevención de riscos laborais intégrese no sistema xeral de xestión da empresa.

Por iso, é necesario actualizar a Lei de Prevención ás novas realidades do mundo do traballo, fortemente influído polas transicións demográfica, climática e dixital. Compre un impulso nas mesas de diálogo social buscando garantir a protección da seguridade e saúde das persoas traballadoras. 

Entre as propostas de UGT para esta norma, destacan:

• A creación dunha figura similar á do Delegado/a Territorial de Prevención de Riscos Laborais, pero a nivel estatal.
• A articulación de maiores garantías de cumprimento da normativa en materia preventiva asignando maiores recursos para a Inspección de Traballo, así como para a Fiscalía de Seguridade e Saúde no Traballo
• A creación de Xulgados especializados en materia de seguridade e saúde no traballo
• A mellora da protección da saúde mental das persoas traballadoras; o desenvolvemento dunha lexislación diferenciada dos riscos psicosociais de orixe laboral; e que as patoloxías relacionadas coa exposición a riscos psicosociais inclúanse na listaxe de enfermidades profesionais. 
• Ademais, que se introduza a obrigación de realizar protocolos de violencia e acoso, así como que se realice unha revisión da normativa preventiva para dotala de perspectiva de xénero.

Desde UGT reclamamos a necesidade de mellorar os protocolos empresariais  para a prevención de riscos laborais ante fenómenos meteorolóxicos adversos, especialmente en situacións de altas temperaturas e ante a emerxencia climática que estamos a vivir. Isto inclúe a elaboración de protocolos específicos, a formación dos traballadores sobre os riscos e medidas de prevención e a adaptación das condicións laborais para garantir a seguridade e saúde dos e as traballadoras.

É necesario que os partidos políticos se comprometan a que a seguridade e saúde no traballo sexa unha prioridade na súa axenda. A prevención de riscos laborais e o coidado da saúde laboral debe ser materia prioritaria nas mesas de diálogo social, tanto a nivel do Estado como en Galicia e tamén urxe un plan de choque negociado cos axentes sociais.