As cifras publicadas polo Ministerio de Traballo e Economía Social seguen a ser insoportables para unha sociedade coma a nosa. Durante o primeiro trimestre do ano, producíronse 3.162 accidentes laborais con baixa, dos cales 6 resultaron en mortes. Produciuse un 5% de aumento nos accidentes con baixa, e aumentaron os accidentes mortais en itínere (para o mesmo período do ano anterior non se había rexistrado ningún, e neste 2025 rexistráronse 2).

Tomamos estas cifras con cautela, xa que o período de análise é curto e as variacións poden non ser representativas. Polo tanto, seguiremos de preto a evolución das estatísticas de accidentes laborais.

A saúde mental das persoas traballadoras segue en perigo. Os datos estatais, amosan que os ataques cardíacos e os accidentes cerebrovasculares seguen a ser a principal causa de morte durante a xornada laboral, con 57 casos. Estas mortes poderían estar relacionadas coa exposición a riscos psicosociais que están a afectar de xeito alarmante a saúde mental no lugar de traballo.

Polo tanto, é necesario actualizar a Lei de prevención ás novas realidades do mundo laboral, fortemente influenciado polas transicións demográfica, climática e dixital. Os traballos da Mesa de Diálogo Social deben impulsarse para garantir a seguridade e a saúde dos riscos laborais.

Tampouco se poden ignorar outros accidentes laborais: as lesións por caídas, accidentes de tráfico, así como atrapamentos, esmagamentos e amputacións son causas comúns de morte en accidentes laborais que deben ser freadas.

Finalmente, en UGT seguimos a esixir a inclusión dunha nova disposición na Lei de Prevención. Propoñemos a creación dun posto similar ao de Delegado Territorial de Prevención de Riscos Laborais, pero a nivel estatal , xa que é unha realidade que os centros de traballo sindicalizados son máis seguros. A creación deste posto axudaría a mellorar a saúde e a seguridade laboral nas pemes que non contan con representación sindical. Ao mesmo tempo, esiximos que se recoñezan créditos horarios para os delegados e delegadas de prevención.