As traballadoras e traballadores do comercio de alimentación da provincia da Coruña protagonizaron un seguimento masivo nas
xornadas de folga convocadas esta semana no sector e tamén participaron nas manifestacións que discorreron polas principais cidades da provincia.

A demanda dun convenio xusto e digno para o sector estivo no centro das mobilizacións, así como a crítica ante a cerrazón da patronal.

Á última reunión, UGT, CCOO e CIG acudiron cunha plataforma unitaria á que a patronal non foi capaz de dar resposta nin de achegar unha alternativa sobre a que poder negociar.

Os catro sindicatos están dispostos a sentarse de novo a negociar para intentar chegar a un convenio digno no que se melloren as retribucións, os tempos de traballo e todo o relativo á conciliación da vida persoal e laboral.